| Իշխանություն | 914թ - 928թ |
|---|---|
| Լրիվ անուն | Աշոտ Բ Բագրատունի |
| Վախճանի վայր | Սևան |
| Ազգություն | Հայ |
| Հարստություն | Բագրատունի |
Կենսագրություն- Աշոտ Բ Երկաթը Սմբատ Ա-ի որդին էր: Նա Բագրատունիների դինաստիայի ամենահզոր թագավորներից Էր: Նրա ուժեղ կամքի և հզորության համար ժողովուրդը նրան անվանել է Երկաթ:Նա գահակալության է եկել 914թ, երբ Հայաստանի դրությունը շատ ծանր էր:
ԱՇՈՏ ԵՐԿԱԹԻ ՆԵՐՔԻՆ և ԱՐՏԱՔԻՆ ՔԱՂԱԿԱԿԱՆՈՒԹՅՈՒՆԸ
Սմբատ Ա-ի դաժան մահից հետո երբ գահը անցավ Աշոտ երկաթին, 915թ արաբները Յուսուֆ ամիրայի գլխավորությամբ կրկին ներխուժեցին Հայաստան: Աշոտը իր եղբոր Աբասի հետ կարողացավ ազատագրել մի շարք հայկական հողեր: Նա դիմեց նաև Բյուզանդիայի կայսր Կոստանդին Ծիրանածնին, որն էլ ճանաչեց Աշոտին որպես հայոց թագավոր և զորք տրամադրեց: Աշոտ Երկաթի հորեղբորոդին ՝ Աշոտ Շապուհյանը միավորվել էր Յուսուֆի հետ, իսկ վերջինս էլ նրան ճանաչել էր որպես հայոց թագավոր:Ճիշտ է, կաթողիկոս Հովհաննես Դրասխանակերտցին հաշտեցրեց նրանց և Վաղարշապատը տվեց Աշոտ Շապուհյանին, բայց վերջինս շարունակում էր պայքարել թագավորի դեմ:Այդ ժամանակ Աշոտ երկաթի դեմ դուրս եկավ իր աները ՝ Գարդմանա իշխան Սահակ Սևադան: Թագավորի դեմ ապստամբեց նաև ՈՒտիքի իշխան Ցլիկ Ամրամը:Աշոտը ստիպված էր քաշվել Սևանի իր ամրոցը և այնտեղից պայքարել իր թշնամիների դեմ: Սևանի ճակատամարտում Աշոտ Երկաթը իր զորապետ Գևորգ Մարզպետունու հետ միասին կարողացավ պարտության մատնել Յուսուֆ Ամիրայի Բեշիր զորապետին; Այդպիսով Աշոտ Երկաթը վերականգնեց Բագրատունիների թագավորությունը: 922 թ նա ստացավ <<Շահնշահ Հայոց և Վրաց >> տիտղոսը:
Комментариев нет:
Отправить комментарий